“Me përkushtim institucional e shoqëror, do të punojmë për eliminimin e dhunës ndaj grave dhe vajzave. Këtë fenomen shoqëror që e pamundëson barazinë. Sepse nuk mund të kemi barazi shoqërore pa pasur edhe  barazi gjinore”.

Kështu është shprehu kryeministri i Republikës së Kosovës, Albin Kurti në lansimin e projektit “Përafrimin e ligjeve dhe politikave me Konventën e Stambolli”.

Ndër të tjera, Kurti theksoi se dhuna ndaj grave dhe vajzave ka qenë shumë shqetësuese ndër vite, si dhe sipas tij shqetësuese ka qenë edhe neglizhenca e institucioneve për të ofruar ndihmë.

“Dhuna ndaj grave dhe vajzave dhe femicidi kanë qenë në nivel shumë shqetësues ndër vite. Po ashtu shumë shqetësues ka qenë edhe neglizhenca e institucioneve për të ofruar urdhër mbrojtje, për të ofruar siguri e drejtësi për shumë gra dhe vajza. Andaj na nevojitet angazhim maksimal, bashkim i forcave të organeve shtetërore dhe prioretizim i rasteve të dhunës të familje, ashtu që të kemi rezultat të suksesshëm”, deklaroi Kurti.

“Pabarazitë, pa drejtësitë dhe paragjykimet duhet të i luftojmë bashkë. Do të jemi krah për krah për një barazi gjinore që është një parakusht për një shoqëri të barabartë”, u shpreh në fund kryeministri Kurti./Arbresh.info.

Lexo edhe:

Kurti: Angazhohemi që asnjë grua të mos jetoj me frikën e dhunës dhe çdo vajzë të rritet duke u ndjerë e sigurt

Kurti: Në vitin 2022 mbi 5 mijë gra janë punësuar përmes Pakos së Ringjalljes Ekonomike